Министерот за Европа и надворешни работи, Ферит Хоџа, на социјалната мрежа X објави дека се воспоставува директна авиолинија меѓу Луксембург и Тирана преку авиокомпанијата Luxair.
Министерот ја оцени веста како одлична, истакнувајќи го доаѓањето на уште една европска авиокомпанија во Албанија.
„Почнувајќи од 29 март 2027 година, оваа нова линија ќе функционира во текот на целата година и ќе има два лета неделно, во понеделник и петок, со што ќе се воспостави првата редовна директна воздушна врска меѓу Луксембург и Албанија“, напиша Хоџа.
Според него, оваа нова и добредојдена врска меѓу двете земји ќе придонесе за уште поголемо зближување на луѓето, бизнисите и заедниците.
Претходно, на 21 април оваа година, министерот Хоџа оствари посета на седиштето на Luxair, каде што на средбата со извршниот директор на компанијата, Жил Фајт, било разговарано токму за можноста за воспоставување директни летови на релација Луксембург – Тирана.
