Реализаторот ќе достави детален финансиски извештај со сите плаќања за манифестацијата, потранспарентни сме од тоа што бара Законот за донации и спонзорства, според кој се води оваа постапка, истакна денес директорот на Државна лотарија, Александар Климовски, на прес-конференцијата по повод организацијата на прославите за 35 години независност на државата.
Директорот објасни дека согласно Законот, донаторот, односно Државна лотарија, немала обврска да објави јавен повик за реализација на програмските активности за манифестацијата, ниту имала обврска да состави комисија која ќе ги осенува понудените програми, но го направила истото поради поголема транспарентност и отчетност во постапката.
На прес-конференцијата Климовски ги објасни одредбите од договорот за спонзорство, како и обрвските на реализаторот Стардаст, меѓу кои е и доставување на сеопфатен финансиски извештај со сите плаќања.
