(ВИДЕО) Снимале во Италија – Ентони Хопкинс и Ал Пачино играат улоги во филмот за браќата Масерати: Во центарот на заплетот е страста кон автомобилите

Освен нив, улогите ги играа Мишел Мороне и Лоренцо де Мур, како и Џесика Алба и Енди Гарсија.
Ал Пачино се појавува во улогата на бизнисменот Винченцо Вакаро, додека Ентони Хопкинс го игра Лука Антонели.
Во трејлерот објавен минатата недела, браќата Масерати се тркаат со своите автомобили низ италијанската природа и го претставуваат својот сон за победа во сала за состаноци.

Без да се открие каков ќе биде главниот заплет на филмот, појавувањето на Алфиери Масерати во трејлерот сугерира дека дел од филмот ќе се одвива пред 1932 година. Страста на браќата Масерати кон автомобилите и трките ќе биде во центарот на вниманието.

https://www.instagram.com/reel/DcljtpdOiRP/?utm_source=ig_web_copy_link&igsi=NTc4MTIwNjQ2YQ==

Филмот е снимен во Италија, во Модена, Болоња и студијата Чинечита во Рим. За потсетување, филмот го режираше Боби Мореско, додека сценариото го напишаа Аманда Мореско и Стефано Ториси, а Дајан Ворен ја напиша оригиналната песна за филмот.

Точниот датум на премиерата на филмот сè уште не е познат.

Фото: Принтскрин/YouTube