Дел од корисниците на улицата „Ѓорги Капчев“ во Горно Лисиче и село Лисиче денеска од 11:00 часот се без вода поради дефект на водоводната мрежа.
Од ЈП „Водовод и канализација“ – Скопје информираат дека екипите се на терен и работат на отстранување на дефектот.
Водоснабдувањето ќе биде прекинато до завршување на санацијата, по што се очекува нормализирање на снабдувањето со вода во овој дел од Скопје.
