Пожар избувнал во патничко возило „БМВ“ кое било паркирано на улицата „120“ во Тетово.
Случајот бил пријавен вчера во 15:55 часот во СВР Тетово. Возилото било со тетовски регистарски ознаки и било во сопственост на 62-годишниот Л.Д. од село Долно Палчиште.
Во пожарот нема повредени лица. Огнот бил навреме локализиран и изгаснат од екипа на Територијалната противпожарна единица Тетово.
На местото на настанот била извршена увидна постапка од страна на екипа на СВР Тетово, а дополнително се утврдуваат причините за избувнувањето на пожарот и причинетата материјална штета.
