Нашата најдобра одбојкарска селекција веќе неколку дена е на подготовки во Крушево, каде селекторот Јошко Миленкоски заедно со своите избраници се подготвуваат за тоа што е пред нив. А тоа секако дека е ЕП, кое ќе се одржи во септември. Како што е познато Македонија се наоѓа во групата А, и ќе игра во Софија против селекциите на Бугарија, Украина, Полска, Португалија и Израел.
Денеска капитенот Никола Ѓорѓиев имаше своја порака до фановите на нашата репрезентацијата и спортската јавност во Македонија:
“Македонска репрезентација во моментов е на 29.место на европската листа, со оглед на тоа дека сега се вратија Русија и Белорусија. Па така сонуваме, ќе се бориме, ќе патиме заедно и мислам дека ќе успееме да ја израдуваме македонската нација. Во моментов сега е најважно добро да се подготвиме и од никого да не стравуваме“ изјави капитенот.
