Управата за хидрометеоролошки работи (УХМР) предупреди дека ново невреме, кое во моментов се движи од Албанија и Косово, се приближува кон Македонија.
Според најавата, за разлика од претходното невреме кое беше проследено со силен ветер, овој атмосферски систем може да донесе пообилни врнежи од дожд и појава на град. објави Скопје1.мк
„Невремето во Албанија и Косово во моментов се движи кон Македонија. Ова невреме можно е да биде со поизразени врнежи и град, а не ветер“, соопштија од УХМР.
Надлежните препорачуваат граѓаните да ја следат временската прогноза и предупредувањата, како и да бидат внимателни поради можноста од локални невремиња со интензивен дожд и град.
