Триесет и петгодишен жител на неготинско село е лишен од слобода откако во филијала на банка во Неготино ѝ се заканувал на својата 66-годишна мајка, а потоа физички нападнал и полициски службеници.
– На 09.07.2026 во 13:00 часот во Неготино, полициски службеници од ОВР Неготино го лишија од слобода И.П.(35) од село во неготинско. Според пријавеното, тој во филијала на банка во Неготино и се заканувал на неговата 66-годишна мајка. Исто така, тој физички нападнал полициски службеници, кои вршеле службени дејствија. И.П. бил приведен во полициска станица, известен бил јавен обвинител, по што И.П. бил спроведен во здравствена установа, информираа од МВР.
По документирање на случајот, против него ќе биде поднесена соодветна пријава.
