Во Бугарија со мали сипаници (морбили) се заразени 446 лица, меѓу кои 368 деца, покажуваат најновите податоци што ги објави Министерството за здравство на таа земја, пренесува порталот „Факти“.
Случаи на морбили се регистрирани во 11 области, а најголем број оболени е забележан во областа Враца, каде што се регистрирани над 220 заразени, како и во Плевен и Ловеч, се наведува во податоците објавени на веб-страницата на Министерството.
Оболени лица исто така се пријавени и во областите Монтана, во градот Софија и околината, како и во Варна, Русе, Видин, Перник и Трговиште.
