Snap ги претстави SPECS, паметни очила за проширена реалност (AR), кои ги опишува како „нослив компјутер“ вграден во проѕирни очила.
SPECS очилата се направени од швајцарски TR90 полимер, за кој Snap тврди дека е „пластичен титаниум“ поради неговата мала тежина и издржливост. Очилата се доволно лесни за да се „носат со часови“ и се достапни во две големини. Рамката од 47 мм тежи 132 грама, а рамката од 52 мм 136 грама. Диоптриски леќи може лесно да се вметнат и заменат за споделување на очилата со пријатели и семејство.
AR очилата имаат камери и сензори кои испраќаат податоци до AI систем со контекстуално разбирање. Имаат две камери со висока резолуција во боја, две инфрацрвени камери за компјутерски вид и 6-осни IMU единици за инерцијално мерење и следење на движењето. Уредот содржи два Snapdragon чипа, при што едниот процесор управува со леќите, а другиот обработува компјутерски вид.
Screenshot
Спецификациите вклучуваат видно поле од 51 степен и stereo waveguide дисплеј со автоматско затемнување во зависност од условите на светлина. Уредот користи мини проектори базирани на технологија на течен кристал на силициум (LCoS) за проектирање на слика на екранот. Snap ова видно поле го споредува со екран од 115 инчи гледан од околу 3 метри растојание.
Вградени се стерео звучници за просторен (3D) звук, како и низа микрофони за гласовен внес. Очилата имаат можност за следење на движења на раце за контрола со гестови, како и препознавање глас и поддршка за гласовни команди.
Батеријата трае до четири часа при мешана употреба, а постои и специјален магнетен кабел за полнење, кој овозможува полнење додека се носат очилата. Доаѓаат и со куќиште за полнење кое обезбедува вкупно до 20 часа користење. Претходната генерација Snap Spectacles, која беше наменета само за развивачи, нудеше само 45 минути траење на батеријата.
SPECS може да се користат за гледање содржини како филмови, видеа и ТВ емисии, пресликување на екран (casting), пишување на виртуелна табла и користење на голем број постоечки Snapchat ефекти. Исто така може да се поврзат со компјутер, телефон или гејминг систем преку USB-C кабел за да служат како екран.
Извршниот директор на Snap, Еван Шпигел, ги претстави SPECS на настанот AWE USA 2026 и демонстрираше искуства што развивачите ги креирале користејќи го Snap Lens Studio. Бидејќи SPECS можат да користат ефекти развиени за Snapchat, веќе постојат опции за поставување виртуелни објекти, играње мини игри, DIY помош и многу повеќе.
Lens Studio добива „agentic“ развоен пристап за креирање ефекти, а воведени се и интеграции за развивачи како Claude Code, Codex и Cursor. Може да се користат API-ја на компаниите OpenAI и Gemini за AI проширена реалност.
SPECS чинат 2.195 долари со повратен депозит од 200 долари, и веќе се достапни за преднарачка. Лансирањето е планирано за есен во САД, Велика Британија и Франција.
Snap влегува на пазарот пред повеќе технолошки компании со AR очила, вклучувајќи го Apple. Apple развива паметни AR очила со леќи, но тој производ нема да биде достапен уште неколку години. Првите Apple очила, кои ќе бидат ограничени само на AI можности без вграден екран, нема да бидат лансирани пред крајот на 2027 година.
