Се очекува Црна Гора да затвори уште две преговарачки поглавја на Меѓувладината конференција со Европската Унија во Луксембург на 15 јуни.
Тоа се Поглавје 2 – Слободно движење на работниците и Поглавје 28 – Заштита на потрошувачите и здравје, објави државната телевизиска станица во Подгорица, РТЦГ. За да се случи ова, амбасадорите на земјите-членки мора да дадат зелено светло за одржување на Меѓувладината конференција, која се очекува да се одржи на 12 јуни.
Ова ќе биде третата Меѓувладина конференција што Црна Гора ќе ја одржи во првата половина од оваа година, за време на кипарското претседателство со Советот на Европската Унија. По оваа Меѓувладина конференција, Црна Гора ќе има затворено 16 од вкупно 33 преговарачки поглавја во преговорите за членство во Европската Унија.
Францускиот претседател Емануел Макрон и германскиот канцелар Фридрих Мерц од Самитот ЕУ – Западен Балкан во Тиват испратија јасна порака дека Европската Унија мора повторно да ја покаже политичката волја за проширување, а Црна Гора ја поставија како највидлив кандидат за следно членство.
