Екипата на Крива Паланка е победник на „Шпаркасе Лајф“ Првата лига и нов македонски шампион во женска сениорска конкуренција.
Во четвртиот натпревар од финалето на плејофот, Крива Паланка вчеравечер во Скопје славеше минимална победа (75:73) против екипата на Бадел 1862 и со вкупни (3:1) ја затвори серијата која го даде новиот државен првак за натпреварувачката сезона 2025/26.
Кошаркарката на Крива Паланка, Аби Ниехуес го доби најголемото индивидуално признане во оваа финална серија од плејофот. Таа Беше прогласена за најкорисен играч (МВП).
Американката на теренот остана скоро 35 минути во кои дојде до ефект изразен со реализација на 22 поени (7/13 во обидите за два поени и 8/10 од линијата за слободни фрлања), 17 скока (седум офанзивни), и три блокади.
