Компанијата Huawei продолжува да развива екосистем на уреди што им овозможува на корисниците да останат поврзани, активни и креативни, без разлика каде се наоѓаат.
Huawei ја претстави новата генерација паметни уреди во рамки на глобалниот настан „Now Is Your Spark“, одржан во Бангкок, со што дополнително ја потврди својата визија за технологија која природно се вклопува во секојдневниот живот на корисниците. Меѓу новитетите беа претставени серијата Huawei Watch Fit 5, Huawei Watch GT Runner 2 – Racing Legend Edition, Huawei Watch Ultimate Design – Spring Edition, како и новиот таблет Huawei MatePad Pro Max.
Комбинирајќи елегантен дизајн, унапредени функции за здравје и фитнес, како и моќни алатки за продуктивност, Huawei продолжува да развива екосистем на уреди што им овозможува на корисниците да останат поврзани, активни и креативни, каде и да се наоѓаат.
Паметни часовници од новата генерација: спој на стил, здравје и перформанси
Новата серија Huawei Watch Fit 5 е наменета за помладите корисници и го носи препознатливиот квадратен дизајн по кој оваа линија е позната. Со потенко куќиште, впечатливи бои и исклучително светол екран, серијата добива уште помодерен изглед и функции што поттикнуваат поактивен и порелаксиран начин на живот.
Покрај секојдневното следење на здравјето и физичката активност, серијата Huawei Watch Fit 5 поддржува голем број спортски режими како велосипедизам, голф, trail трчање и тенис, со детална аналитика и персонализирани препораки за тренинг. Корисниците добиваат и пристап до Huawei Health MultiPass поволности и партнерски апликации како komoot, Naviki, URUNN, FIIT и Life Period Tracker.
Посебно внимание привлече и новиот Huawei Watch GT Runner 2 – Racing Legend Edition, професионален часовник за трчање развиен во соработка со маратонската легенда Елиуд Кипчоге. Инспириран од брзината и натпреварувачкиот дух, уредот го носи новиот Running Ability Index (RAI) и унапредениот Training Camp Dashboard, кои овозможуваат подлабок увид во перформансите и им помагаат на корисниците попаметно да тренираат и да ги подобрат своите резултати.
Huawei го претстави и ексклузивниот Huawei Watch Ultimate Design – Spring Edition, создаден во соработка со светски познатата дизајнерка на накит Франческа Амфитеатроф. Инспириран од будењето на природата во пролет, овој луксузен модел комбинира 99 природни дијаманти и сафирно стакло со дијамантска обработка, создавајќи уникатен спој на технологија, елеганција и уметност.
Huawei MatePad Pro Max ја редефинира мобилната продуктивност во ултра тенок дизајн
Во сегментот на таблети, Huawei го претстави Huawei MatePad Pro Max, ултра тенок премиум таблет што комбинира софистициран дизајн, врвен екран и напредни можности за продуктивност. Со тежина од околу 509 грама и дебелина од само 4,7 мм, уредот нуди моќни перформанси во исклучително лесен и елегантен формат, идеален за работа и креативно изразување во движење.
Huawei MatePad Pro Max доаѓа со 13,2-инчен 3K флексибилен OLED PaperMatte екран што обезбедува исклучителна јасност на приказот и унапредено визуелно искуство.
Од модерни паметни часовници што ги мотивираат корисниците кон поздрав и поактивен живот, до моќни таблети дизајнирани за работа и креативност, Huawei продолжува да развива уреди што ја прават технологијата поинтуитивна, покорисна и поблиска до секојдневните потреби на луѓето ширум светот.
