И дефинитивно Брера со победата над Струга ТЛ го одбележа ова коло. Секоја чест за Вардар и Силекс, но ретко кој се надеваше дека струмичани ќе извлечат бодови кај Струга ТЛ која се бореше за тоа второ место на табелата. И кога ќе се победи една Струга ТЛ на нејзин терен, кога ќе се освојат три златни бода во битката за опстанок, тогаш нема дилеми кој е тренер на колото. А тоа е искусниот стратег Шефки Арифовски кој по заминувањето на Мартин Алаѓозовски, го прифати предизвикот, седна на клупата на Брера и еве сега е на добар пат да ги избегне оние места кои водат во ВМФЛ. Уште, повеќе, сега има шанси дури и да го избегне баражот.
Брера во Струга одигра како што треба да одигра еден аутсајдер кај силниот состав на домашните. Струмичани знаеја дека кога тогаш ќе дојде шансата, а таа дојде во 89.минута и со голот на Петровиќ, тие славеа голема победа од 0:1. Се виде дека Арифовски умешно ја постави играта на гостите, пред се на тактички и психолошки пла, затоа е и тренер на ова 30.коло.
