САД ја засилуваат својата дипломатска и воена пресија врз европските сојузници со цел нивно активно учество во операции во Хормушки теснец. Генералниот секретар на НАТО, Марк Руте, ги информирал европските влади дека претседателот Доналд Трамп очекува во наредните денови конкретни ветувања за испраќање на воени бродови или други капацитети. Според Spiegel, досегашните политички ветувања веќе не се доволни.
Бројни европски дипломати ја опишуваат комуникацијата како ултиматум. И покрај тоа што Германија покажала начелна спремност за заедничка мисија, таа поставува услови, вклучувајќи силен мандат од ОН и трајно примирје.
Дополнително, Трамп го притиска НАТО и преку други мерки, вклучувајќи подготовка на список на европски членки кои го поддржале или се спротивставиле на воената кампања против Иран. Наводно, државите кои покажале некоперативност може да ги изгубат американските трупи на своја територија.
