Јапонската инфлуенсерка позната како Зепа почина на само 26 години. Оваа тажна вест беше потврдена преку објава на нејзиниот официјален профил на социјалната мрежа „X“.
Во соопштението се нагласува дека нејзината смрт била „неочекувана“, а погребот се одржал во приватна атмосфера, на кој присуствувало само најблиското семејство.
Зепа беше позната по своите комични видеа и имаше повеќе од 1,4 милиони следбеници на платформи како што се „YouTube“, „TikTok“, „Instagram“ и „X“.
Таа уште беше препознатлива по отвореното зборување за своите лични предизвици, вклучително и за проблемите со алкохол. Во една од последните објави, таа сподели дека се соочува со зависност.
Незината смрт предизвика лавина реакции на социјалните мрежи, каде фановите споделуваат пораки на сочувство и сеќавања на нејзината работа.
