41-годишен скопјанец вчера бил уапсен на подрачјето на Ѓорче Петров, поради агресивно однесување кон вработени во Меѓуопштинскиот центар за социјални работи-Скопје, како и поради закани кон неговата 33-годишна сопруга со која бил во бракоразводна постапка.
Како што се наведува во полицискиот билтен, вчера во 16:00 часот во Скопје, на подрачјето на Ѓорче Петров, полициски службеници од СВР Скопје го лишиле од слобода Б.А.(41) од Скопје, постапувајќи по претходна пријава дека околу 09:00 часот во Јавна установа Меѓуопштински центар за социјална работа-Скопје, агресивно се однесувал кон вработените и упатувал закани за неговата 33-годишна сопруга, со која е во бракоразводна постапка, а која во моментот не била присутна.
По целосно документирање на случајот ќе следува соодветна пријава.
