Оваа сабота нема да се одржи „Маршот на ангелите“ поради хуманитарниот фудбалски натпревар. Поради претстојниот хуманитарен фудбалски натпревар меѓу ГФК Осогово и ФК Вардар, кој ќе се одржи во сабота, на 07.02.2026 година планираниот саботен „Марш на ангелите“ ќе биде одложен.
Новиот термин за одржување на маршот ќе биде дополнително утврден и навремено соопштен на јавноста.
Хуманитарниот натпревар, кој е посветен во чест и сеќавање на жртвите во трагичниот настан на 16 март 2025, претставува значајна иницијатива насочена кон обединување на заедницата во моменти на голема болка. Токму преку спортот – најпрепознатливиот симбол на фер натпревар, човечност, заедништво и подадена рака – се истакнува вредноста на колективната поддршка и солидарност, особено кога заедницата се соочува со длабока загуба.
