Во Кочани денеска се одржа „Марш за ангелите“ на кој родителите и роднините на загинатите во првиот ред носеа транспарент со ликот на адвокатката Ивана Коцевска.
Таа е бранител на првообвинетиот во процесот „Пулс“, сопственикот Дејан Јованов – Деко.
Еве ја реакцијата на адвокатката Коцевска.
„Во својство на бранител на дел од обвинетите во кривичниот предмет за трагичниот настан во Кочани, досега се воздржував од секакви напади во име на емпатичноста и сочувството со болката на родителите на починатите. Меѓутоа, откако јавно се изложи револт за мојата покрената кривична постапка за вандализмот што се случи на 17.03.2025 од одредени НН лица кои родителите ги оправдуваат, а согласно законот се подложни на одговорност, повеќе немам простор да се воздржувам. Имено, родителите си дозволија да организираат штрајк во кој мојот лик е злоупотребен и фотошопиран во небулозна форма која не само мојот, туку го нарушува угледот на секој еден адвокат и за ова треба и апелирам да реагираат сите надлежни органи на Република Македонија во заштита на нашата професионална должност пред сѐ, а потоа и во насока на заштита на нашиот интегритет и достоинство како носители на правната заштита и владеење на правото“, се наведува во реакцијата на адвокатката Коцевска.
