Актуелниот шампион Шкендија го задржа чекорот со водечките Вардар и Струга, откако попладнево триумфираше над Башкими во Куманово со 3-1 во рамки на последното, 16 коло, од есенскиот дел на сезоната во Првата македонска фудбалска лига (ПМФЛ).
Шкендија до победата дојде со головите на Алими (4 минута, автогол), Тамба (34) и Адеми (74), додека почесниот гол за Башкими го постигна Алексовски (7).
Со освоените три бодови на гостувањето во Куманово, фудбалерите на Шкендија останаа третопласирани на табелата со 36 бодови, пет помалку од Струга на второто место и шест помалку од есенскиот првак Вардар.
Во рамки на завршното коло од првиот дел на сезоната, утре на програмата се дуелите меѓу Работнички – Силекс и Шкупи – Брера, а в понеделник Аресими во Гостивар го пречекува Пелистер.
