Градоначалникот на Битола, Тони Коњановски, информираше дека Општината продолжува со активности за проширување и унапредување на капацитетите на детските градинки, со цел создавање подобри услови за згрижување на децата и поддршка на родителите.
Во својата објава Коњановски истакна дека континуираното инвестирање во современи, функционални и безбедни простори е еден од приоритетите на локалната самоуправа. При тоа, тој објави и видео од новоадаптирани простории, опремени со современа педагошка опрема и со стандарди кои овозможуваат поквалитетен престој и работа со најмладите.
„Континуирано ги зголемуваме капацитетите на детските градинки“, напиша Коњановски, нагласувајќи дека ваквите инвестиции се дел од долгогодишната стратегија за подобрување на образовната инфраструктура во градот.
Од Општина Битола најавуваат дека следуваат и нови проекти насочени кон модернизација на градинките и создавање подобри услови за воспитно-образовниот процес.
