Кандидатот на ВЛЕН за градоначалник на општина Тетово, Биљал Касами, кампањата за вториот круг ја започна со младите на плоштадот во градот. Тој се обврза дека ќе продолжат со проектите за развој на Тетово.
„Кампања која ние веруваме дека ќе биде потврда за убедливата победа од првиот круг. Веруваме дека и тие малку граѓани кои не успеавме да ги убедиме дека нашата опција е подобра, сега ќе биде полесно, затоа што огромното мнозинство на тетовци одлучија во првиот круг дека ние треба да продолжиме уште четири години за да служиме во Тетово, за да продолжиме со реализацијата на проектите во полза на Тетово“, рече Касами.
