Кинескиот технолошки гигант Huawei во првата половина од 2025 година забележа пад на добивката за 32 проценти во споредба со истиот период лани, достигнувајќи 37 милијарди јуани (околу 4,45 милијарди евра). Главната причина за ваквиот резултат се зголемените вложувања во истражување и развој, со акцент на полето на чипови и електрични возила.
И покрај падот на профитот, компанијата бележи раст на приходите за речиси четири проценти, на вкупно 427 милијарди јуани. Ова е највисока бројка за првото полугодие уште од 2020 година, што покажува стабилизирање и нова динамика во работењето.
Со тоа, компанијата успеа да се врати на позитивна финансиска линија по загубите во последниот квартал од 2024 година, кога интензивно инвестираше во идните технологии.
