Полската репрезентација ја победи Словенија со 105:95 и со тоа го започна Евробаскетот на одличен начин.
Лидерот на Словенија, Лука Дончиќ, кој запиша 34 поени, 9 асистенции и 4 скока, беше нервозен, се жалеше на судиите, па дури и се скара со Олејничак, но, на крајот, не можеше ништо да направи. Едо Муриќ му помогна со 17 поени, Грегор Хроват имаше 15, но тоа не беше доволно да се дојде до победата.
Домаќинот Полска имаше двајца супермени на теренот и тоа беше доволно за да го неутрализираат одличниот Дончиќ. Џордан Лојд постигна 32 поени, погодувајќи седум од осум тројки, додека Матеуш Понитка запиша 23 коша и 7 асистенции.
Во следното коло, денеска (сабота), Полска ќе игра против Израел, а Словенците ќе имаат уште потежок тест против француската репрезентација.
Сензација приреди и Грузија со победата над Шпанија со 83:69.
