Со убедлива победа од 3:0 против Грузија, машката сениорска одбојкарска репрезентација на Македонија осигура учество на Европското првенство четврти пат по ред.
Овој успех на репрезентацијата го поздрави министерот за спорт, Борко Ристовски, кој истакна:
„Вложувањето, упорноста и љубовта кон спортот секогаш носат резултати.“
Тој најави и конкретни чекори за поддршка на репрезентацијата односно финансиска награда во вредност од три милиони денари која ќе ѝ ја додели Министерството за спорт на Одбојкарската федерација на Македонија .Министерот ги повика играчите да го продолжат успехот и да го носат името на Македонија со достоинство и во наредните европски натпреварувања.
