Европските берзански индекси денес се во пораст, цената на златото порасна со истовремен пад на цените на нафтата и пченицата, додека пазарите очекуваат средба меѓу американскиот и рускиот претседател, Доналд Трамп и Владимир Путин, што би можело да придонесе за напорите за завршување на војната во Украина.
Денес во 9:30 часот, индексот DAX на Франкфуртската берза порасна за 0,39 проценти на 24.461,04 поени, лондонскиот FTSE 100 за 0,22 проценти на 9.196,45 поени, францускиот CAC 40 за 0,43 проценти на 7.903,94 поени, а московскиот MOEX за 0,12 проценти на 2.981,10 поени, пренесува CNBC.
Вредноста на американскиот берзански индекс Дау Џонс падна за 0,02 проценти на 44.911,26 поени, вредноста на индексот Насдак за 0,01 процент на 21.710,67 поени, додека индексот S&P 500 порасна за 0,03 проценти на 6.468,54 поени.
Европските фјучерси за гас за септември беа продадени на отворањето на берзата TTF по цена од 32,095 евра за мегават-час.
Според моменталните податоци од берзата, цената на суровата нафта падна на 63.495 долари, а цената на нафтата Брент на 66.425 долари.
Цената на златото се искачи на 3.342,63 долари за унца, а цената на пченицата падна на 5,0334 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16746 долари, што е за 0,23 проценти повисока отколку на почетокот на тргувањето.
