Samsung S25 Ultra постигна одлични продажни резултати ширум светот, а сега вниманието на јавноста е насочено кон неговиот наследник – Galaxy S26 Ultra. Најновите протечени информации сугерираат дека овој модел би можел да стане вистинска „ѕверка“ кога станува збор за перформансите.
Познатиот инсајдер Ice Universe откри дека S26 Ultra ќе користи нова LPDDR5X RAM меморија со брзина на пренос на податоци до 10,7 Gbps и 20% помала потрошувачка на енергија. Според проценките, Samsung овде ќе ја примени новата LPDDR5X меморија на Micron, произведена со 1γ (1-gamma) процес, која официјално беше претставена во јуни.
Во комбинација со Qualcomm Snapdragon 8 Elite Gen 2 чипсетот и до 16 GB RAM, перформансите би требало значително да пораснат. Едноставно кажано, работната меморија во телефонот функционира како автопат со повеќе ленти – колку повеќе „ленти“, толку помала е гужвата. Резултатот? Побрзо стартување на игри, снимање 8K видео без засекнувања, побрзо менување помеѓу повеќе апликации и подобро извршување на AI функциите.
Покрај меморијата, Galaxy S26 Ultra би можел да донесе и поголем екран, потенко и полесно куќиште, како и унапредување на главната камера од 200 MP со нов F1.4 отвор на бленда за подобри резултати во услови на слабо осветлување.
Иако овие промени не можат да се наречат револуционерни, тие претставуваат значајно и конкретно надградување во однос на претходникот, што би можело дополнително да ја зацврсти позицијата на S26 Ultra како еден од најмоќните паметни телефони на пазарот.
