Русинките кои ја потресоа светската музичка сцена на почетокот на 2000-тите благодарение на хитовите во кои пеат за лезбејската љубов го најавија своето враќање.
Зборуваме за Јулија Волкова и Лена Катина од бендот t.A.T.u. Еден од нивните најголеми хитови е „All The Things She Said“. Години подоцна, тие признаа дека се преправале дека се лезбејки, дека сето тоа било маркетиншки трик.
„На тоа гледав како на улога во филм. Тоа беше мојата улога. Никогаш не сум била лезбејка. Никогаш не ме привлекувала ниедна девојка“, рече Лена во интервју за The Daily Beast во 2013 година.
Членовите на ЛГБТ заедницата ѝ се налутија на Јулија затоа што рече дека ќе го осуди својот син ако е во врска со маж.
„Маж нема право да биде геј. Две девојки заедно не се исто што и двајца мажи заедно. Лезбејките ми изгледаат многу поубаво естетски“, рече таа, меѓу другото, и додаде дека не е против геј луѓето бидејќи тие сепак се „подобри од убијци, крадци и наркомани“.
Тие ја претставуваа Русија во 2003 година на Евровизија во Латвија и го освоија третото место. Имаа можност да настапат и на The Tonight Show with Jay Leno.
Нивните песни кои беа исто така значајни беа „Not Gonna Get Us“, „All About Us“ итн. Престанаа да снимаат во 2011 година. После тоа, настапуваа само понекогаш заедно.
Неодамна позираа заедно и изјавија на социјалните мрежи дека наскоро доаѓаат многу нови и интересни работи, што би можело да значи дека ќе издадат албум.
