Организаторите информираат дека концертот е преместен во поголема сала за да се овозможи присуство на повеќе посетители.
Концертот ќе понуди музичко патување низ богатото културно наследство на Медитеранот, спојувајќи традиционални мелодии со класични и современи композиции. Публиката ќе има можност да слушне дела од различни историски периоди и музички традиции што со векови се преплетувале на медитеранскиот простор.
https://www.instagram.com/p/DfaDPlmIQAP/?utm_source=ig_web_copy_link&mdxt=NTc4MTIwNjQ2YQ==
Посебно место во програмата зазема грчката музика, со композиции на Манос Хаџидакис, чиј творечки опус годинава го одбележува грчкото Министерство за култура. На репертоарот се и дела од Шарпантје, Монтеверди, Качини, Серано, Росини, Сати, Рота, Караиндру и Маркопулос, како и традиционална медитеранска музика.
Ансамблот „Mosaico Mediterraneo“ е посветен на истражување и современа интерпретација на медитеранската музика, поврзувајќи ги европските класични традиции со народната музика од Јужна Европа, Блискиот Исток и Африка. Во изминатите години ансамблот настапувал во повеќе европски градови.
