Десетгодишно момче трагично го загуби животот откако падна од балкон на стан на Индустриска улица во Тетово. Според информациите од СВР Тетово, случајот бил пријавен денеска во 09:25 часот кога детето било донесено во Клиничката болница без знаци на живот.
Првичните сознанија покажуваат дека детето имало здравствени проблеми и паднало од терасата на станот. Родителите веднаш реагирале по известување од сосед и го однеле во болница, но лекарите можеле само да констатираат смрт.
Телото на починатото дете е предадено на обдукција по наредба на јавен обвинител, а надлежните институции преземаат мерки за целосно расчистување на трагичниот случај.
