Денеска повеќе населени места и делови од скопските општини ќе останат без електрична енергија поради планирани технички интервенции.
Според информациите од Регионалниот центар за управување со кризи (РЦУК), добиени од „ЕВН Македонија“, од 6 до 13 часот без струја ќе бидат корисниците во село Мралино, бензинската пумпа „Дади компани“ во Мралино, како и делови од населбата Дрма во Општина Илинден.
Од 9 до 14 часот прекин на електричната енергија ќе има во дел од корисниците во село Нова Брезница во Општина Сопиште, како и на улица „Христо Татарчев“ бр. 49Г и околината кај поранешната фабрика „Црвена ѕвезда“ во Општина Кисела Вода.
Во периодот од 8:30 до 14:30 часот, без електрична енергија ќе бидат и делови од село Инџиково во Општина Гази Баба.
Прекините се најавени поради планирани технички интервенции на електродистрибутивната мрежа.
