Зголемен бројот на болни и немоќни лица кои утре ќе го оставарат своето право на глас во домашни услови во општините од Истокот. Во шесте општини каде што ќе има втор круг гласање пријавени се 225 болни и немоќни лица повеќе споредбено со првиот круг кој се реализираше на 19 октомври.
Во Општина Прибиштип во првиот круг гласале 208 болни и немоќни лица, а утре ќе гласаат 262, во Виница гласале 95, а за утре има пријавено 141, плус две лица во куќен притвор. Зголемен е бројот и во останатите општини од Истокот. Во Кочани во првиот изборен круг гласале 135 болни и немоќни, а утре ќе гласаат 173 или 38 повеќе. Овде има и едно лице кое своето право на глас ќе го искористи во куќен притвор. Во Македонска Каменица ќе гласаат 56 лица, или за 13 повеќе споредбено со првиот изборен круг, и 35 во Зрновци или за пет повеќе.
Во сите општини веќе е пристигнат доверливиот материјал за осмите по ред Локални избори. Во вториот круг од локалните избори 2025 в недела кога ќе се гласа за градоначалници во 32 општини и во Градот Скопје.
Во недела на 2 номеври во Општините од Истокот, најголем број избирачи има во Кочани каде ќе гласаат 32 503 избирачи.
Во Општина Виница, право на глас имаат 17 060 избирачи, во Пробиштип 12 251. Во Македонска Каменица своето право на глас можат да гоостварат 6650 гласачи, 5068 во Чешиново Облешево, 2506 во Зрновци.
Според информациите од Државната изборна комисија (ДИК), за вториот круг од гласањето пријавени се 4 826 болни и изнемоштени лица
Изборите ќе ги следат 1 598 меѓународни и странски набљудувачи, од кои 933 странски и 651 меѓународен.
