Земјотрес со магнитуда од 5,2 степени утринава го погоди регионот Гуангси во југозападна Кина и уби две лица и принуди евакуација на повеќе од 7.000 луѓе во градот Лиуџоу, додека операциите за пребарување и спасување продолжуваат, а властите предупредуваат за прекини во сообраќајот.
Потврдени се две смртни случаи, едно лице сè уште се води како исчезнато, а четири лица се однесени во болница, иако ниту едно од нив немало повреди опасни по живот, објавија CCTV и државната новинска агенција Синхуа.
Тринаесет згради се урнаа во раните утрински часови, објави државната телевизија CCTV.
Железничките власти, исто така, предупредија за прекини во сообраќајот, додека го проверуваа интегритетот на железничката инфраструктура.
Комуникациските и електричните линии, снабдувањето со вода и гас и сообраќајот во погодената област функционираа нормално, објавија државните медиуми.
