Светските цени на храната се највисоки во последните четири години. Растат цените на житарките, шеќерот и маслата.
Најголем раст е забележан кај шеќерот – неговата цена се зголемила за 11,9 отсто, достигнувајќи највисоко ниво од јуни 2025 година. Дополнителна загриженост предизвикало послабото производство во важниот земјоделски регион Централно-Јужен во Бразил, во услови на неповолни временски услови во Европа и Азија.
Светските цени на храната во август достигнаа највисоко ниво од крајот на 2022 година, поттикнати од неповолните временски услови, нарушувањата во снабдувањето и воените конфликти, информации Организацијата за храна и земјоделство на Обединетите нации (FAO).
Сепак, индексот сè уште е речиси 17 отсто под рекордот од март 2022 година, забележан по почетокот на руската инвазија врз Украина.
Екстремните горештини и сушата во Европа, заканата од силен феномен „Ел Нињо“, како и нарушувањата во трговијата предизвикани од воените конфликти во Украина и меѓу САД и Иран, создаваат дополнителен притисок.
„Растот на глобалните цени на храната во август е предупредување дека ризиците повторно се прелеваат на прехранбените пазари – климатските шокови, геополитичките тензии и нарушувањата во трговијата истовремено ја зголемуваат загриженоста за снабдувањето“, изјави главниот економист на FAO, Максимо Тореро.
Во август пораснале референтните индекси на FAO за житарките, растителните масла, шеќерот, месото и млечните производи.
