Во последниот период, матичните лекари во Велес пријавуваат пораст на бројот на пациенти со симптоми на стомачен вирус. Иако ова заболување е присутно целата година, најчесто зафаќа помлада популација, особено во пролетните и летните месеци, сепак, овојпат е забележано зголемување и кај возрасните пациенти.
Стомачниот вирус предизвикува различни симптоми кои вклучуваат покачена температура, треска, настинка, гадење, повраќање и дијареа. Овие симптоми можат да бидат многу непријатни и да влијаат врз дневните активности на заразените лица. Затоа се препорачува да се внимава на хигиената, да се одржува добра исхрана и да се избегнува контакт со лица кои имаат симптоми на инфекција.
Матичните лекари во Велес апелираат до граѓаните да се јават навреме на лекар доколку почувствуваат симптоми и да ги следат упатствата за лекување и превенција за да се спречи ширењето на вирусот.
