Актерката која одбележа една ера на холивудскиот филм успеа да води мирен и осамен живот 12 години без да биде забележана од папараците, а кога успеаја да ја фотографираат, изгледаше како сосема друга жена. По една година борба, таа значително ослабе, а упатените велат дека размислува за враќање во Холивуд.
Бриџит Фонда, една од омилените фатални русокоси во Холивуд во деведесеттите години, одамна е во пензија, но не е исклучено дека ќе се врати во шоу-бизнисот.
Актерката најпозната по филмовите „Бакнеж на змејот“, „Џеки Браун“, „Точка без враќање“, „Осамена бела жена“ и „Езеро на стравот“ одлучи да се пензионира по сериозна сообраќајна несреќа и здравствени проблеми и се здебели десетици килограми.
Неодамна, наводно, успеала значително да ослабе и наводно размислува да продолжи таму каде што застанала пред повеќе од две децении.
https://www.instagram.com/p/DHLt3otsiNi/?utm_source=ig_web_copy_link&igsh=NTc4MTIwNjQ2YQ==
Бриџит Фонда, која наполни 62 години во јануари, успеала да ослабе 45 килограми за една година, неодамна напиша „Daily Mail“, а се шпекулира дека актерката размислува за враќање во Холивуд.
Ова целосно е во спротивност со нејзината изјава од 2005 година, кога на прашањето дали повторно би играла во филм, таа рекла:
– Не верувам. Убаво е да се биде „цивил“.
Обременета од славата на семејството Фонда
Бриџит Фонда, членка на познатото актерско семејство Фонда, е внука на легендарниот Хенри Фонда, ќерка на Питер Фонда и внука на познатата актерка Џејн Фонда.
Потеклото од толку познато семејство беше товар за Бриџит од почетокот на нејзината кариера, како што признала и самата, и секогаш се прашувашела дали вкусот на успехот би бил ист ако не го имаше презимето Фонда.
– Се прашувам како е кога сè правиш со свои сили. Понекогаш се прашувам дали би била помирна со себе ако знаев дека успеав сама, наместо секогаш да се прашувам колку врати ми отвори презимето – изјавила таа за Movieline во 1993 година.
Секогаш подалеку од јавноста
Дури и во деновите на најголема слава, таа не се експонираше премногу, па нејзината осумгодишна љубовна врска со актерот Ерик Столц беше прилично мистериозна.
Во февруари 2003 година, Бриџит доживеа сообраќајна несреќа во Лос Анџелес во која ѝ беше скршен еден пршлен, а таа вели дека носењето сигурносен појас ѝ го спасило животот.
За време на третманот по несреќата, актерката одлучила да ја прекине кариерата и да се фокусира на себе, па се свршила со Дени Елфман, филмски композитор и фронтмен на бендот Oingo Boingo, а потоа се венчале неколку месеци подоцна.
https://www.instagram.com/reel/DQSTNiuiXyf/?utm_source=ig_web_copy_link
Набрзо актерката го роди својот син Оливер и целосно се повлече од јавноста, која имаше можност да ја види само на ретки папарацо фотографии.
Последен пат таа прошета по црвениот тепих беше во 2009 година, кога беше меѓу гостите на премиерата на филмот „Проклетите“ на Квентин Тарантино, по што никој не ја виде Бриџит Фонда 12 години.
Кога папараците конечно ја пронајдоа, медиумите беа преплавени со фотографии од неа додека изгледаше непрепознатливо од деновите на нејзината кариера.
Фото: Принтскрин/Instagram
