Сонце на Мајорка, ладни пијалаци, неочекувано заведување, врел секс и мрачни заплети – тоа е летниот филм „Fall for Me“ на „Netflix“.
Во првите четири денови (од 21 до 24 август) еротскиот трилер со Свења Јунг и Тео Требс во главните улоги, собра веќе 16,5 милиони прегледи, според листата на „Netflix“.
На листата се филмови кои не се од англиско говорно подрачје, а драмата на режисерката Шери Хорман минатата седмица го зазела првото место, соопштиле од компанијата.
Во 37 земји е на првото место, меѓу нив Германија, Австрија и Швајцарија, но и во Италија, Холандија, Либан, Бразил и Колумбија.
Во повеќе од 90 земји филмот се нашол меѓу 10-те најгледани.
Кога самоуверената ревизорка Лили ќе ја посети својата помлада сестра на Мајорка се случуваат неочекувани работи. Лили се запознава со таен бармен во еден клуб, а сестра ѝ одненадеж се вери со Французин. Парот прави планови за иднината.
Во филмот има повеќе сцени со секс, впечатливо режирани, на пример на балкон, на плажа и во кујна.
За критичарите тоа е премногу клише и едноставно, па единствените убави кадри се од омиленото летувалиште за многумина кое го привлекува вниманието.
