Во Талин, во просториите на Естонски центар за литература за деца, неодамна беше отворена изложбата на илустрации и кукли под наслов „Сите чувства се исправни“, на која учествува и македонскиот илустратор Ване Костуранов.
Костуранов учествува со свои илустрации по покана на центарот, а изложбата обединува врвни илустратори од целиот свет. Меѓу учесниците се и Beatrice Alemagna, Elena Repetur, Mark Janssen и други меѓународно афирмирани автори.
Изложбата ќе биде отворена за посетители до 6 јуни 2026 година, а организаторите ги покануваат сите љубители на илустрацијата и детската книжевност да ја посетат доколку се најдат во Талин во овој период.
Воедно, Костуранов информираше дека неговата сликовница „Девојче и мече“ минатата година беше преведена на естонски јазик и објавена во издание на Päike ja Pilv, со што неговото авторско творештво продолжува да добива меѓународна видливост.
