Утре во Штип ќе се одржи традиционалното положување на светиот крст во водите на река Брегалница, настан кој секоја година собира голем број верници и граѓани.
Според најавата, првата церемонија ќе се одржи во 10:00 часот кај Ново Село, каде свештени лица ќе го извршат чинот на осветување на водите и положување на крстот. Веднаш потоа, во 11:00 часот, настанот ќе продолжи во населбата 8 Ноември, каде што исто така ќе биде извршен истиот верски обред.
Положувањето на светиот крст е дел од православната традиција и симболизира духовно прочистување, здравје и благослов, а настанот редовно привлекува голем број учесници кои се одлучуваат да скокнат по крстот, како и бројни посетители што доаѓаат да ја проследат церемонијата.
Од организаторите упатуваат повик до граѓаните да присуствуваат и достоинствено да ја одбележат оваа значајна верска манифестација, почитувајќи ги упатствата и редот на настанот на двете локации.
