Тигар кој избегал од приватен имот во близина на Лајпциг нападнал и повредил едно лице, по што полицијата го убила.
Инцидентот се случил денес, а животното ѝ припаѓало на познатата тренерка Кармен Зандер, како што објави весникот „Билд“.
Според полициското соопштение, тигарот избегал од приватен ограден простор во Шкеудиц, западно од Лајпциг, пред да биде убиен во блиските градини.
Нападнатиот маж претрпел полесни повреди, но сепак бил префрлен во болница.
Портпаролката потврди дека нема други тигри на слобода.
Сопственичката Кармен Зандер, наречена „Кралица на тигрите“, веќе се соочувала со правни проблеми поради начинот на кој се грижела за животните, објави неделникот „Цајт“.
Меѓу другото, таа наводно организирала претстава со тигри без соодветно одобрение, што довело до истрага од страна на државното обвинителство во Лајпциг.
