Во текот на ноќта во Тетово дошло до физичка пресметка меѓу две групи, при што бил употребен и нож. Во инцидентот, двајца млади мажи се здобиле со убодни рани.
Случајот бил пријавен во СВР Тетово на 7 август во 23:50 часот. Според полициските информации, пресметката се случила пред угостителски објект на улицата „Борис Кидрич“ во Тетово.
Со убодни рани се здобиле Е.М. (20) и А.Р. (20), двајцата од село Камењане.
Полицијата презела мерки за расчистување на случајот, при што на 8 август во 01:25 часот, во Клиничката болница Тетово, од слобода бил лишен А.Р. (20).
Половина час подоцна, во 01:30 часот, во СВР Тетово сами се пријавиле Х.Ш. (22) од село Ново Село и А.Б. (23) од село Горно Палчиште. И тие биле лишени од слобода и задржани во полициска станица.
Во тек е идентификување и на други лица кои учествувале во пресметката. Увид на местото извршила екипа од СВР Тетово.
По целосното расчистување на случајот, полицијата најавува соодветен поднесок.
