Сточари за Зелена берза велат дека денеска има исплата на премијата за произведено и предедено млеко по литар во откупни центри, висината на директните плаќања изнесува 6 денари по литар за кравјо млеко и 7 денари по литар за овчо и козјо млеко. Според нив премијата е исплатена само за три месеци од почетокот на годината, јануари, февруари и март.
-Платежната агенција се пофали дека ќе бидат исплатени пари за шест месеци, а не за три, но како стигнуваат пари на сметките на сточарите се гледа дека премијата е исплатена за три месеци. Ова не е во ред, сточарите се револтирани вели Тони Петковски – Паша од село Велушина.
Според него сега им се потребни парите за да купат храна за стоката.
-На стартот сме на прибирање на силажа за стоката, сточарите мора да купат храна за стоката и сега им требаат парите, вели сточарот од Велушина .
МЗШВ објави официјално дека исплатата на премијата е за месеците јануари, февруари, март 2025 година
Агенцијата за финансиска поддршка во земјоделството и руралниот развој денес изврши исплата по основ на произведено и предадено кравјо, овчо и козјо млеко по Програмата за финансиска поддршка во земјоделството за 2025 година.
Исплатени се 3.686 млекопроизводители со вкупен износ од 147.822.692,00 денари.
Исплатата е извршена на земјоделските стопанства – производители на кравјо, овчо и козјо млеко регистрирани како одгледувачи на говеда, овци и кози и произведеното млеко го имаат предадено на регистрирани откупувачи на сурово млеко во месеците јануари, февруари, март 2025 година.
Висината на директните плаќања изнесува 6 денари по литар за кравјо млеко и 7 денари по литар за овчо и козјо млеко.
zelenaberza
