Брутална егзекуција среде бел ден ја шокираше Барселона, откако српски државјанин беше убиен во класична „сачекуша“ додека седел на терасата на едно популарно кафуле. Нападот се случил пред бројни сведоци, кои во паника барале спас додека напаѓачите испукале неколку куршуми директно во жртвата.
Според првичните информации од шпанската полиција, сторителите дејствувале брзо и професионално, по што веднаш побегнале од местото на настанот со мотор. Иако екипите на итната медицинска помош пристигнале во рекордно време, на ранетиот маж му немало спас и тој им подлегнал на повредите на лице место. Полицијата веднаш го блокираше целиот реон и започна масовна потера по убијците, користејќи ги и снимките од безбедносните камери на околните објекти.
