Фејсбук статус на пратеникот Оливер Спасовски:
Најостро го осудувам националистичкиот говор и навредливите скандирања што се случија за време на спортскиот натпревар во Куманово. Таквото однесување нема место во општество кое се гради врз вредности на соживот, меѓусебна почит и единство.
Куманово отсекогаш било симбол на различност и соживот, и такво ќе остане. Национализмот, омразата и поделбите не смеат да бидат алатка во ничии раце, особено не во чувствителни времиња како пред избори. Ваквите појави не само што ги навредуваат поединци и заедници, туку го поткопуваат мирот, соживотот и вредностите на заедничко живеење кои ги негуваме со години.
Апелирам до сите граѓани да не подлегнуваат на провокации. Вистинска сила е во обединување, не во делби. Навивањето за свој клуб не смее да биде изговор за ширење омраза.
Ќе продолжам доследно да се залагам за општество во кое сите граѓани се еднакви, почитувани и слободни – без разлика на нивната етничка, верска или културна припадност.
Куманово имало и ќе има соживот. Тоа е нашиот пат. Тоа е нашата сила.
