Директорката на Агенцијата за иновации, научно-технолошки развој и претприемништво, Даниела Симоновска, во рамки на теренските активности на #ИНОВА, го посети Природно-математичкиот факултет каде оствари инспиративна средба со проф. д-р Соња Симиќ – управителка на стартапот Plant Engineering.
Станува збор за иновативен стартап кој развива in vitro култури на растенија и врши тестирање на биолошката активност на растителни екстракти, со цел оптимизација на производството во стакленици и расадници.
Посебно впечатливо, според Симоновска, е тоа што лабораторијата е во функција и за студентите, кои директно се вклучуваат во истражувањата и практичната примена на знаењето – создавајќи нов кадар подготвен за индустриските предизвици.
„Кога академијата и индустријата се сретнуваат – знаењето добива форма, а идеите се претвораат во дела што ја движат иднината напред,“ порача Симоновска.
