Косовскиот играч за врска Камер Ќака повеќе нема да биде дел од црвено-црните. КФ Шкендија му се заблагодари за придонесот и професионализмот прикажан.
„КФ Шкендија објавува дека ја прекинува соработката со косовскиот играч за врска Камер Ќака, по меѓусебен договор меѓу страните. Одлуката за разделба доаѓа со целосно разбирање, отворајќи му пат на фудбалерот да бара средина каде што ќе има повеќе простор за континуирано активирање во продолжението на неговата кариера.
Камер Ќака беше важен дел од КФ Шкендија во два различни периоди. Тој првично се приклучи на клубот во јануари 2021 година, придонесувајќи до јануари 2022 година, додека неговото враќање беше направено во јануари 2023 година, со договор кој завршува по три години соработка. Во текот на овие години, играчот од средниот ред придонесе за остварување на целите на клубот, бидејќи беше дел од тимот што освои шампионски титули во 2021 и 2025 година.
Вратите на клубот секогаш остануваат отворени и Камер Ќака секогаш ќе биде добредојден како пријател на КФ Шкендија“, се вели во соопштението на Шкендија.
