Владата се очекува во рок од една недела да го промовира решението правосудниот испит да може да се полага и на албански јазик, најави Беким Сали.
Сали изјави дека институциите се во завршна фаза на консултации со експерти и дека наскоро ќе биде претставена конечната одлука.
„Сме во завршна фаза на консултации со експерти и верувам дека многу скоро, можеби… сега не сакам да се фаќате за временската рамка, можеби и една недела може да трае до конечната одлука која ќе ја промовираме на ист начин“, изјави Сали.
Тој додаде дека не станува збор само за правосудниот испит, туку дека Владата работи и на поширок пакет за решавање на други слични прашања.
Најавата доаѓа во период кога темата за полагање на правосудниот испит на албански јазик е актуелна во јавноста, а студентите и дел од политичките партии бараат еднаков пристап и можност за полагање на мајчин јазик.
