Репрезентацијата на Соединетите Американски Држави се пласираше во полуфиналето на континенталното првенство (Американскиот куп) откако го победи Уругвај со 83:70. Централна фигура на натпреварот беше Џавонте Смарт, со 27 поени.
Смарт погоди пет тројки од седум обиди, беше убедливо најпродуктивниот играч во победничкиот тим и најзаслужен за пробивот на неговиот тим меѓу најдобрите четири на турнирот.
За Уругвајците, кои имаа водство од седум поени на полувремето, но го испуштија во третото, Сантијаго Вескови беше најдобар со 17 поени.
Во полуфиналето, САД ќе се соочат со Бразил, додека другиот полуфинален пар го сочинуваат Аргентина и Канада.
