Грција изврши реконструкција на кабинетот денеска, откако тројца членови на кабинетот поднесоа оставки поради растечкиот скандал околу земјоделските субвенции од ЕУ, што го зголеми притисокот врз конзервативната влада на земјата.
Промените вклучуваат назначување на поранешниот потпретседател на Европската комисија, Маргаритис Шинас, за нов министер за земјоделство.
Оставките дадоа грчкиот министер за рурален развој Костас Цијарас, министерот за цивилна заштита Јоанис Кефалојианис и заменик-министерот за здравство Димитрис Варцопулос
Оставките дојдоа откако Канцеларијата на европскиот јавен обвинител (EPPO) објави истраги оваа недела за 20 членови на владејачката партија Нова демократија, вклучувајќи сегашни и поранешни пратеници.
Осомничените не се официјално именувани, но нивните имиња беа широко распространети во грчките медиуми.
Грчката полиција изврши десетици неполитички апсења во скандалот минатата година.
Според грчките власти, мрежата проневерила најмалку 23 милиони евра од своето основање околу 2018 година.
