Поранешниот италијански фудбалер Кристијан Џидаи, кој настапувал во Серија А и бил дел од клубот Новара, е пронајден мртов во шумска област во Италија, неколку дена по неговото исчезнување. Полицијата го лоцирала телото користејќи сигнал од неговиот мобилен телефон и продолжува со истрага за околностите на трагедијата.
Џидаи има богата кариера на италијанските терени, играјќи цели 11 години и носејќи го дресот на Чезена, каде оставил значаен белег. Настапувал и за клубовите Про Патрија и други, на позицијата десен бек.
Фудбалската јавност и поранешните клубови се простиле од него, изразувајќи жалење за ненадејната загуба. Тој бил пријавен како исчезнат поради тоа што не се појавил на своето работно место. Надлежните институции продолжуваат да ја истражуваат трагедијата и причините за неговата смрт.
